Қаржылық есептілік депозитарийінің интернет-ресурсы (бұдан әрі - Портал) мүдделі тұлғалар корпоративтік оқиғаларды, акционерлік қоғамдардың үлестес тұлғаларының тізімдерін, сондай-ақ ұйымдардың аудиторлық есептерін және жылдық қаржылық есептілігін, оның ішінде жария мүддені тауып, көре алатын электрондық деректер базасына қолжетімділікті қамтамасыз ету үшін құрылған. "Бухгалтерлік есеп және қаржылық есептілік туралы" 2007 жылғы 28 ақпандағы Қазақстан Республикасы Заңының 1-бабының 7) тармақшасына сәйкес жария мүдделі ұйымдарға:
- қаржы ұйымдары (қызметін Қазақстан Республикасы Ұлттық Банкінің қолма-қол шетел валютасымен айырбастау операцияларына арналған лицензиясы негізінде тек қана айырбастау пункттері арқылы жүзеге асыратын заңды тұлғаларды қоспағанда);
- акционерлік қоғамдар (коммерциялық еместерін қоспағанда);
- жер қойнауын пайдаланушы ұйымдар (кең таралған пайдалы қазбаларды өндіретін ұйымдардан басқа);
- астық қабылдау кәсіпорындары;
- шаруашылық жүргізу құқығына негізделген мемлекеттік кәсіпорындар;
- мемлекеттік монополия, арнаулы құқық субъектілері;
- жарғылық капиталдарында мемлекеттің қатысу үлесі бар ұйымдар және Қазақстан Республикасының заңдарына сәйкес олармен үлестес болып табылатын еншілес, тәуелді және өзге де заңды тұлғалар.
Квазимемлекеттік сектор субъектілеріне (мемлекеттік сатып алуды ұйымдастырушыларға) Сатып алынатын қызметтердің техникалық ерекшелігі (opi2.dfo.kz веб-порталда «Электрондық есептер» ақпараттық сервисіне қолжетімділікті ұсыну бойынша қызметтер) жобасын жұмыста пайдалануды ұсынамыз.